ashk Tapke haal dil kā khul gayā
dīda-e-giryāñ se parda khul gayā
dil se umDe ashk-e-ḳhūñ āñkhoñ kī raah
josh-e-mai se ḳhum kā Dhaknā khul gayā
kūcha-e-jānāñ kī miltī thī na raah
band kiiñ āñkheñ to rasta khul gayā
har girah meñ us ke the āshiq ke dil
zulf ke khulte hī uqda khul gayā
nargis-e-jādū hai ab ālam-fareb
zulf kā logoñ pe laTkā khul gayā
jaan kar anqā kamar ko yaar ke
zulf ne phāñsā thā phandā khul gayā
aaj kyūñkar ho ḳhabar us ko 'nasīm'
sher paḌhne kā bhī fiqrā khul gayā
ashk Tapke haal dil ka khul gaya
dida-e-giryan se parda khul gaya
dil se umDe ashk-e-KHun aankhon ki rah
josh-e-mai se KHum ka Dhakna khul gaya
kucha-e-jaanan ki milti thi na rah
band kin aankhen to rasta khul gaya
har girah mein us ke the aashiq ke dil
zulf ke khulte hi uqda khul gaya
nargis-e-jadu hai ab aalam-fareb
zulf ka logon pe laTka khul gaya
jaan kar anqa kamar ko yar ke
zulf ne phansa tha phanda khul gaya
aaj kyunkar ho KHabar us ko 'nasim'
sher paDhne ka bhi fiqra khul gaya
Source:
Deewan-e-Naseem (Pg. 8)
-
Author:
Pandit Daya Shankar Naseem Lakhnawi
-
- Publisher: Matba Gulshan-e-Faiz, Lucknow
- Year of Publication: 1895
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.