Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

asir-e-halqa-e-gesu-e-KHuban ho nahin sakta

Tilok Chand Mahroom

asir-e-halqa-e-gesu-e-KHuban ho nahin sakta

Tilok Chand Mahroom

MORE BYTilok Chand Mahroom

    asīr-e-halqa-e-gesū-e-ḳhūbāñ ho nahīñ saktā

    vo dil jis ko taskīñ de pareshāñ ho nahīñ saktā

    tirī qudrat se hotā hai tirī hikmat se hotā hai

    koī patthar kahīñ la.al-e-badaḳhshāñ ho nahīñ saktā

    mohabbat ho ki nafrat ho ye dil ke khel haiñ saare

    na chāhe dil to koī dushman-e-jāñ ho nahīñ saktā

    chhupā lete haiñ bā-dil mehr-o-mah ko apne dāman meñ

    charāġh-e-dāġh-e-ulfat zer-e-dāmāñ ho nahīñ saktā

    musībat se qadr-e-āfiyat hotī hai duniyā meñ

    na pesh aayā ho jis ko ġham vo shādāñ ho nahīñ saktā

    vatan koī ho izzat jauhar-e-qābil se baḌhtī hai

    gul-e-sahrā ham-sar ḳhār-e-bustāñ ho nahīñ saktā

    dil-e-insāñ hai muhtāj-e-ziyā-e-āftāb-e-ishq

    baġhair us ke kisī sūrat daraḳhshāñ ho nahīñ saktā

    usī se iḳhtiyār-o-jabr mafhūm khultā hai

    jo honā chāhtā hai koī insāñ ho nahīñ saktā

    miTāyā ne ai 'mahrūm' har-ik naqsh-e-bātil ko

    judā dil se tire kyuuñ dāġh-e-hirmāñ ho nahīñ saktā

    asir-e-halqa-e-gesu-e-KHuban ho nahin sakta

    wo dil tu jis ko taskin de pareshan ho nahin sakta

    teri qudrat se hota hai teri hikmat se hota hai

    koi patthar kahin lal-e-badaKHshan ho nahin sakta

    mohabbat ho ki nafrat ho ye dil ke khel hain sare

    na chahe dil to koi dushman-e-jaan ho nahin sakta

    chhupa lete hain ba-dil mehr-o-mah ko apne daman mein

    charagh-e-dagh-e-ulfat zer-e-daman ho nahin sakta

    musibat hi se qadr-e-afiyat hoti hai duniya mein

    na pesh aaya ho jis ko gham wo shadan ho nahin sakta

    watan koi ho izzat jauhar-e-qabil se baDhti hai

    gul-e-sahra ka ham-sar KHar-e-bustan ho nahin sakta

    dil-e-insan hai muhtaj-e-ziya-e-aftab-e-ishq

    baghair us ke kisi surat daraKHshan ho nahin sakta

    usi se iKHtiyar-o-jabr ka mafhum khulta hai

    jo hona chahta hai koi insan ho nahin sakta

    miTaya tu ne ai 'mahrum' har-ik naqsh-e-baatil ko

    juda dil se tere kyun dagh-e-hirman ho nahin sakta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now