ata ke zor-e-asar se bhi TuT sakti thi

atā ke zor-e-asar se bhī TuuT saktī thī

vo shāḳh bār-e-samar se bhī TuuT saktī thī

maiñ dil meñ sach kī numū se thā ḳhauf khāyā huā

ki siip tāb-e-gohr se bhī TuuT saktī thī

usī pe thā mire har ek tiir kā takiya

kamāñ jo khīñch ke Dar se bhī TuuT saktī thī

paḌī thī aah ko hī ḳhud-numā.ī kī varna

ḳhamoshī dīda-e-tar se bhī TuuT saktī thī

juḌe hue the bahut vasvase ḳhayāloñ se

so niiñd ḳhvāb ke shar se bhī TuuT saktī thī

diloñ kī shīshagarī kār-gah-e-hastī meñ

hunar ke zer o zabar se bhī TuuT saktī thī

ye aab vo thā ki ātish bhaḌak na paane kī

rivāyat ek sharar se bhī TuuT saktī thī

maiñ ek aisā kināra thā jis kī qurbat ko

vo lahar apne bhañvar se bhī TuuT saktī thī

har ek lashkarī itrā rahā thā jis pe vo teġh

ḳhayāl-hā-e-zarar se bhī TuuT saktī thī

zamīñ na hotī agar is kamāl kī hāmil

qayāmat āsmāñ par se bhī TuuT saktī thī

tū ḳhush-nasīb thā varna tirī anā kī fasīl

Kamala-e-sirf-e-nazar se bhī TuuT saktī thī

ata ke zor-e-asar se bhi TuT sakti thi

wo shaKH bar-e-samar se bhi TuT sakti thi

main dil mein sach ki numu se tha KHauf khaya hua

ki sip tab-e-gohr se bhi TuT sakti thi

usi pe tha mere har ek tir ka takiya

kaman jo khinch ke Dar se bhi TuT sakti thi

paDi thi aah ko hi KHud-numai ki warna

KHamoshi dida-e-tar se bhi TuT sakti thi

juDe hue the bahut waswase KHayalon se

so nind KHwab ke shar se bhi TuT sakti thi

dilon ki shishagari kar-gah-e-hasti mein

hunar ke zer o zabar se bhi TuT sakti thi

ye aab wo tha ki aatish bhaDak na pane ki

riwayat ek sharar se bhi TuT sakti thi

main ek aisa kinara tha jis ki qurbat ko

wo lahar apne bhanwar se bhi TuT sakti thi

har ek lashkari itra raha tha jis pe wo tegh

KHayal-ha-e-zarar se bhi TuT sakti thi

zamin na hoti agar is kamal ki hamil

qayamat aasman par se bhi TuT sakti thi

tu KHush-nasib tha warna teri ana ki fasil

Kamala-e-sirf-e-nazar se bhi TuT sakti thi