attar ke maskan mein ye kaisi udasi hai

attār ke maskan meñ ye kaisī udāsī hai

sone kī muqābil meñ har samt hī miTTī hai

tū sāhab-e-qudrat hai tū apnā karam rakhnā

sahrā kī taraf maa.il hālāt kī kashtī hai

raushan hai daraḳhshāñ hai ye daur ba-zāhir to

mazdūr ke bas meñ to bas riiḌh kī haDDī hai

lamhoñ kī ta.āqub meñ sadiyoñ kī dharohar thī

afsos ke dāman meñ ġhurbat kī ye bastī hai

vo sāhab-e-masnad haiñ is se unheñ kyā matlab

jazboñ ke darīchoñ se jaarī koī naddī hai

har ḳhvāb shikasta hai ta.amīr-e-nasheman kā

har sub.h ke māthe par bāzār kī garmī hai

kuchh aur masā.il se uljhegā abhī 'ālam'

har sāhib-e-ālam pe chhā.ī abhī mastī hai

attar ke maskan mein ye kaisi udasi hai

sone ki muqabil mein har samt hi miTTi hai

tu sahab-e-qudrat hai tu apna karam rakhna

sahra ki taraf mail haalat ki kashti hai

raushan hai daraKHshan hai ye daur ba-zahir to

mazdur ke bas mein to bas riDh ki haDDi hai

lamhon ki taaqub mein sadiyon ki dharohar thi

afsos ke daman mein ghurbat ki ye basti hai

wo sahab-e-masnad hain is se unhen kya matlab

jazbon ke darichon se jari koi naddi hai

har KHwab shikasta hai tamir-e-nasheman ka

har subh ke mathe par bazar ki garmi hai

kuchh aur masail se uljhega abhi 'alam'

har sahib-e-alam pe chhai abhi masti hai