aur talim-e-jihaalat nahin di ja sakti

aur ta.alīm-e-jihālat nahīñ dī jā saktī

qaum ko itnī aziyyat nahīñ dī jā saktī

pyaaz hāzir haiñ muhayyā haiñ yahāñ juute bhī

ik lagātār sa.ūbat nahīñ dī jā saktī

aap ko sachchī gavāhī kī ijāzat hai magar

aap kī jaañ kī zamānat nahīñ dī jā saktī

zindagī jin kī guzartī hai ghane sho.aloñ meñ

un ko dozaḳh kī bashārat nahīñ dī jā saktī

qissa-e-zulm simaTne kī ghaḌī aa pahuñchī

ab ise aur tavālat nahīñ dī jā saktī

ham ki pahchān se guzre haiñ vafā kī ḳhātir

is se baḌh kar koī qīmat nahīñ dī jā saktī

un ke zaḳhmoñ ko namak-dān muhayyā kar do

jin ko marham kī suhūlat nahīñ dī jā saktī

ik rivāyat hai ki jo log hoñ tājir-pesha

un ke hāthoñ meñ qayādat nahīñ dī jā saktī

koī darḳhvāst liye aaya to kah deñge use

bam dhamākoñ kī ijāzat nahīñ dī jā saktī

aañkh badlī hai to phir aks se parda kar lo

aa.ine ko na.ī hairat nahīñ dī jā saktī

likh ke jo bhej diyā hai vo bayāñ nashr kareñ

ab savālāt kī jur.at nahīñ dī jā saktī

dard-mandoñ ke ḳhazāne se na baḳhshish māñgo

daan meñ dard kī daulat nahīñ dī jā saktī

aur talim-e-jihaalat nahin di ja sakti

qaum ko itni aziyyat nahin di ja sakti

pyaz hazir hain muhayya hain yahan jute bhi

ek lagatar saubat nahin di ja sakti

aap ko sachchi gawahi ki ijazat hai magar

aap ki jaan ki zamanat nahin di ja sakti

zindagi jin ki guzarti hai ghane shoalon mein

un ko dozaKH ki bashaarat nahin di ja sakti

qissa-e-zulm simaTne ki ghaDi aa pahunchi

ab ise aur tawalat nahin di ja sakti

hum ki pahchan se guzre hain wafa ki KHatir

is se baDh kar koi qimat nahin di ja sakti

un ke zaKHmon ko namak-dan muhayya kar do

jin ko marham ki suhulat nahin di ja sakti

ek riwayat hai ki jo log hon tajir-pesha

un ke hathon mein qayaadat nahin di ja sakti

koi darKHwast liye aaya to kah denge use

bam dhamakon ki ijazat nahin di ja sakti

aankh badli hai to phir aks se parda kar lo

aaine ko nai hairat nahin di ja sakti

likh ke jo bhej diya hai wo bayan nashr karen

ab sawalat ki jurat nahin di ja sakti

dard-mandon ke KHazane se na baKHshish mango

dan mein dard ki daulat nahin di ja sakti