auron ka sara kaam mujhe de diya gaya

auroñ kā saarā kaam mujhe de diyā gayā

aur merā kaam jaane kise de diyā gayā

mujh se kahā gayā ki utāro ab apne aks

ā.īna ik charāġh tale de diyā gayā

thī ye mirī sazā pe maze aa ga.e mire

ik ghar har ek ghar ke pare de diyā gayā

kāñToñ bharī jo raah thī yuuñ hī rakhī ga.ī

bas nuur ābloñ meñ mire de diyā gayā

ta.abīr jis kī aisā hī ek aur ḳhvāb ho

ik aur ḳhvāb roz mujhe de diyā gayā

da.avā kisī kā din ke ujāloñ pe ab nahīñ

jo kuchh bhī thā vo raat ga.e de diyā gayā

'ehsās-jī' vahīñ the magar kuchh na pā sake

sab kuchh unheñ jo aa.e na the de diyā gayā

auron ka sara kaam mujhe de diya gaya

aur mera kaam jaane kise de diya gaya

mujh se kaha gaya ki utaro ab apne aks

aaina ek charagh tale de diya gaya

thi ye meri saza pe maze aa gae mere

ek ghar har ek ghar ke pare de diya gaya

kanTon bhari jo rah thi yun hi rakhi gai

bas nur aablon mein mere de diya gaya

tabir jis ki aisa hi ek aur KHwab ho

ek aur KHwab roz mujhe de diya gaya

dawa kisi ka din ke ujalon pe ab nahin

jo kuchh bhi tha wo raat gae de diya gaya

'ehsas-ji' wahin the magar kuchh na pa sake

sab kuchh unhen jo aae na the de diya gaya