auron ne us gali se kya kya na kuchh KHarida

auroñ ne us galī se kyā kyā na kuchh ḳharīdā

ham kor-chashm us ke qadmoñ kī dhuul laa.e

dāman samā.atoñ kā phūloñ se bhar rahā huuñ

us se kaho ki apnī bātoñ meñ tuul laa.e

vahī-e-badan na utrī us kī hamāre dil par

ham sirf us kī gard-e-shān-e-nuzūl laa.e

ham ko agar ḳhushī hai to ye ki is jahāñ se

be-barg-o-bār guzre fasl-e-fuzūl laa.e

thī saḳht teġh-e-iḳhrāj us ke muqāble par

'ehsās' jaisā suufī ahl-e-shumūl laa.e

auron ne us gali se kya kya na kuchh KHarida

hum kor-chashm us ke qadmon ki dhul lae

daman samaaton ka phulon se bhar raha hun

us se kaho ki apni baaton mein tul lae

wahi-e-badan na utri us ki hamare dil par

hum sirf us ki gard-e-shan-e-nuzul lae

hum ko agar KHushi hai to ye ki is jahan se

be-barg-o-bar guzre fasl-e-fuzul lae

thi saKHt tegh-e-iKHraj us ke muqable par

'ehsas' jaisa sufi ahl-e-shumul lae