awwal-e-shab wo bazm ki raunaq shama bhi thi parwana bhi

Arzoo Lakhnavi

awwal-e-shab wo bazm ki raunaq shama bhi thi parwana bhi

Arzoo Lakhnavi

MORE BYArzoo Lakhnavi

    avval-e-shab vo bazm raunaq sham.a bhī thī parvāna bhī

    raat ke āḳhir hote hote ḳhatm thā ye afsāna bhī

    qaid ko toḌ ke niklā jab maiñ uTh ke bagūle saath hue

    dasht-e-adam tak jañgal jañgal bhaag chalā vīrāna bhī

    haath se kis ne sāġhar paTkā mausam be-kaifī par

    itnā barsā TuuT ke bādal Duub chalā mai-ḳhāna bhī

    ek lagī ke do haiñ asar aur donoñ hasb-e-marātib haiñ

    lau jo lagā.e sham.a khaḌī hai raqs meñ hai parvāna bhī

    donoñ jaulāñ-gāh-e-junūñ haiñ bastī kyā vīrāna hai

    uTh ke chalā jab koī bagūlā dauḌ paḌā vīrāna bhī

    ġhunche chup haiñ gul haiñ havā par kis se kahiye haal

    ḳhāk-nashīñ ik sabza hai so apnā bhī begāna bhī

    husn o ishq laag meñ aksar chheḌ udhar se hotī hai

    sham.a sho.ala jab lahrāyā uḌ ke chalā parvāna bhī

    ḳhuun shirkat vo na kyuuñ ho shirkat chiiz hai jhagḌe

    apnoñ se vo dekh rahā huuñ jo na kare begānā bhī

    daur-e-masarrat 'ārzū' apnā kaisā zalzala-āgīñ thā

    haath se muñh tak aate aate chhūT paḌā paimāna bhī

    awwal-e-shab wo bazm ki raunaq shama bhi thi parwana bhi

    raat ke aaKHir hote hote KHatm tha ye afsana bhi

    qaid ko toD ke nikla jab main uTh ke bagule sath hue

    dasht-e-adam tak jangal jangal bhag chala virana bhi

    hath se kis ne saghar paTka mausam ki be-kaifi par

    itna barsa TuT ke baadal Dub chala mai-KHana bhi

    ek lagi ke do hain asar aur donon hasb-e-maraatib hain

    lau jo lagae shama khaDi hai raqs mein hai parwana bhi

    donon jaulan-gah-e-junun hain basti kya virana hai

    uTh ke chala jab koi bagula dauD paDa virana bhi

    ghunche chup hain gul hain hawa par kis se kahiye ji ka haal

    KHak-nashin ek sabza hai so apna bhi begana bhi

    husn o ishq ki lag mein aksar chheD udhar se hoti hai

    shama ka shoala jab lahraya uD ke chala parwana bhi

    KHun hi ki shirkat wo na kyun ho shirkat chiz hai jhagDe ki

    apnon se wo dekh raha hun jo na kare begana bhi

    daur-e-masarrat 'arzu' apna kaisa zalzala-agin tha

    hath se munh tak aate aate chhuT paDa paimana bhi

    Videos
    This video is playing from YouTube

    Videos
    This video is playing from YouTube

    Tahira Syed

    Tahira Syed

    Source :
    • Book : Range-e-Gazal (Pg. 429)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY