awwal sin dil mera jo giraftar tha so hai

avval siiñ dil mirā jo giraftār thā so hai

mere gale meñ ishq kā zunnār thā so hai

ai shāh-e-husn mujh kuuñ tumhārī janāb meñ

muddat siiñ bandagī kā jo iqrār thā so hai

ma.alūm yuuñ huā ki nasīboñ meñ nahīñ shifā

shamshīr-e-ġham kā vaar jigar paar thā so hai

jiyūñ ġhuncha sair-e-bāġh siiñ hotā huuñ tañg-dil

tujh bin mirī nigāh meñ gul ḳhaar thā so hai

sozan misāl aañkh meñ siltī hai har palak

terī birah kā ḳhaar dil-āzār thā so hai

ab lag ġham-e-firāq judā.ī kī raat meñ

yaaro rafīq-o-mūnis-o-ġham-ḳhvār thā so hai

mat buujh soz-e-ishq siiñ fāriġh sirāj kuuñ

parvāna-vār jaan siiñ balhār thā so hai

awwal sin dil mera jo giraftar tha so hai

mere gale mein ishq ka zunnar tha so hai

ai shah-e-husn mujh kun tumhaari janab mein

muddat sin bandagi ka jo iqrar tha so hai

malum yun hua ki nasibon mein nahin shifa

shamshir-e-gham ka war jigar par tha so hai

jiyun ghuncha sair-e-bagh sin hota hun tang-dil

tujh bin meri nigah mein gul KHar tha so hai

sozan misal aankh mein silti hai har palak

teri birah ka KHar dil-azar tha so hai

ab lag gham-e-firaq judai ki raat mein

yaro rafiq-o-munis-o-gham-KHwar tha so hai

mat bujh soz-e-ishq sin farigh siraj kun

parwana-war jaan sin balhaar tha so hai