ayan hum par na hone ki KHushi hone lagi hai

ayaañ ham par na hone kī ḳhushī hone lagī hai

diye meñ ik na.ī sī raushnī hone lagī hai

na.ī kuchh hasrateñ dil meñ baserā kar rahī haiñ

bahut ābād ab dil kī galī hone lagī hai

so tai paayā masā.ib zindagī ke kam na hoñge

magar kam zindagī se zindagī hone lagī hai

udhar tār-e-nafas se aa milī hai raunaq-e-zīst

idhar kam mohlatī meñ bhī kamī hone lagī hai

sar-e-āġhāz dil kī dāstāñ meñ vo nahīñ thā

magar mahsūs ab us kī kamī hone lagī hai

hamārī dostī kā dam bhareñ aise kahāñ haiñ

zamāne sab se terī dostī hone lagī hai

ayan hum par na hone ki KHushi hone lagi hai

diye mein ek nai si raushni hone lagi hai

nai kuchh hasraten dil mein basera kar rahi hain

bahut aabaad ab dil ki gali hone lagi hai

so tai paya masaib zindagi ke kam na honge

magar kam zindagi se zindagi hone lagi hai

udhar tar-e-nafas se aa mili hai raunaq-e-zist

idhar kam mohlati mein bhi kami hone lagi hai

sar-e-aghaz dil ki dastan mein wo nahin tha

magar mahsus ab us ki kami hone lagi hai

hamari dosti ka dam bharen aise kahan hain

zamane sab se teri dosti hone lagi hai