azab-e-tishna-labi ka shikar tha wo shaKHs

azāb-e-tishna-labī kā shikār thā vo shaḳhs

agarche mere liye ābshār thā vo shaḳhs

chhupā chhupā ke bhī ḳhud meñ chhupā na paayā mujhe

khañDar ke chāroñ taraf ik hisār thā vo shaḳhs

vo jāntā thā hasīñ uñgliyoñ kī zahrābī

isī liye to gul-e-ḳhār-dār thā vo shaḳhs

safed chāñdnī kī reshmī rūmāl oḌhe

siyāh raat ke rath par savār thā vo shaḳhs

na thā ġhulām kisī māddī sahāre kā

baġhair asā ke samundar guzār thā vo shaḳhs

har ek lamhe ke āḳhir meñ mujh se laḌtā thā

'niyāz' mere laḌakpan kā pyaar thā vo shaḳhs

azab-e-tishna-labi ka shikar tha wo shaKHs

agarche mere liye aabshaar tha wo shaKHs

chhupa chhupa ke bhi KHud mein chhupa na paya mujhe

khanDar ke chaaron taraf ek hisar tha wo shaKHs

wo jaanta tha hasin ungliyon ki zahrabi

isi liye to gul-e-KHar-dar tha wo shaKHs

safed chandni ki reshmi rumal oDhe

siyah raat ke rath par sawar tha wo shaKHs

na tha ghulam kisi maddi sahaare ka

baghair asa ke samundar guzar tha wo shaKHs

har ek lamhe ke aaKHir mein mujh se laDta tha

'niyaz' mere laDakpan ka pyar tha wo shaKHs