azm fani bhi la-zawal bhi hai

azm faanī bhī lā-zavāl bhī hai

aadmī hai to ye kamāl bhī hai

aarzū meñ halāvateñ bhī haiñ

aarzū markaz-e-ḳhayāl bhī hai

vārdāt-e-junūñ kā zikr na chheḌ

kuchh ḳhushī bhī hai kuchh malāl bhī hai

aa.ina hai javāb vahshat kā

aa.ina paikar-e-savāl bhī hai

hai javāñ fikr daur-e-hāzir kī

shiddat-e-hosh se niDhāl bhī hai

ḳhvāhish-e-zīst aaj duniyā meñ

jurm hai aur be-misāl bhī hai

kitne sūraj ubhar ke Duub ga.e

ufuq-e-dil ko ye ḳhayāl bhī hai

apne maazī ko bhūlne vaale

tujh se vābasta merā haal bhī hai

chāhtā huuñ jise maiñ us kā 'nazar'

dūsrā naam lā-zavāl bhī hai

azm fani bhi la-zawal bhi hai

aadmi hai to ye kamal bhi hai

aarzu mein halawaten bhi hain

aarzu markaz-e-KHayal bhi hai

wardat-e-junun ka zikr na chheD

kuchh KHushi bhi hai kuchh malal bhi hai

aaina hai jawab wahshat ka

aaina paikar-e-sawal bhi hai

hai jawan fikr daur-e-hazir ki

shiddat-e-hosh se niDhaal bhi hai

KHwahish-e-zist aaj duniya mein

jurm hai aur be-misal bhi hai

kitne suraj ubhar ke Dub gae

ufuq-e-dil ko ye KHayal bhi hai

apne mazi ko bhulne wale

tujh se wabasta mera haal bhi hai

chahta hun jise main us ka 'nazar'

dusra nam la-zawal bhi hai