ba-chashm-e-haqiqat jahan dekhta hun

ba-chashm-e-haqīqat jahāñ dekhtā huuñ

maiñ jānāñ kā jalva ayaañ dekhtā huuñ

ye jo kuchh ki zāhir hai sab nūr-e-haq hai

maiñ haq dekhtā huuñ jahāñ dekhtā huuñ

bahar-rañg o har shai o har jā o har sū

tujhī ko maiñ jalva-kunāñ dekhtā huuñ

har ik qatra-e-bahr-e-kasrat meñ yaaro

maiñ dariyā-e-vahdat ravāñ dekhtā huuñ

jahāñ dekhtā huuñ maiñ jalva hai terā

tire ġhair ko maiñ ziyāñ dekhtā huuñ

ye tāsīr hai rāz-e-ulfat kā dil par

chū shādī-o-ġham ek saañ dekhtā huuñ

ba-juz zāt-e-murshid vahāñ kuchh na paayā

maiñ shaiḳh-o-barahman yahāñ dekhtā huuñ

khulā mujh pe hai jab se sirr-e-haqīqat

maiñ apne ta.iiñ ḳhud gumāñ dekhtā huuñ

huā faiz-e-ḳhādim 'safī' se ye 'āsim'

ki sab shān-e-maulā ayaañ dekhtā huuñ

ba-chashm-e-haqiqat jahan dekhta hun

main jaanan ka jalwa ayan dekhta hun

ye jo kuchh ki zahir hai sab nur-e-haq hai

main haq dekhta hun jahan dekhta hun

bahar-rang o har shai o har ja o har su

tujhi ko main jalwa-kunan dekhta hun

har ek qatra-e-bahr-e-kasrat mein yaro

main dariya-e-wahdat rawan dekhta hun

jahan dekhta hun main jalwa hai tera

tere ghair ko main ziyan dekhta hun

ye tasir hai raaz-e-ulfat ka dil par

chu shadi-o-gham ek san dekhta hun

ba-juz zat-e-murshid wahan kuchh na paya

main shaiKH-o-barahman yahan dekhta hun

khula mujh pe hai jab se sirr-e-haqiqat

main apne tain KHud guman dekhta hun

hua faiz-e-KHadim 'safi' se ye 'asim'

ki sab shan-e-maula ayan dekhta hun