ba-har-alam barabar likh raha hun

Sahba Akhtar

ba-har-alam barabar likh raha hun

Sahba Akhtar

MORE BYSahba Akhtar

    ba-har-ālam barābar likh rahā huuñ

    maiñ pyāsā huuñ samundar likh rahā huuñ

    sadaf andar sadaf the jo ma.ānī

    unheñ gauhar-ba-gauhar likh rahā huuñ

    nahīñ ye shā.irī hargiz nahīñ hai

    maiñ ḳhud apnā muqaddar likh rahā huuñ

    har ik tifl-e-qalam ye sochtā hai

    maiñ kal duniyā se behtar likh rahā huuñ

    nazar aatī nahīñ jo dil duniyā

    use manzar-ba-manzar likh rahā huuñ

    mai-lab se mujhe ḳhush karne vaalo

    tumhāre naam kausar likh rahā huuñ

    jo mastī hai mirā maqsūm 'sahbā'

    use sāġhar-ba-sāġhar likh rahā huuñ

    ba-har-alam barabar likh raha hun

    main pyasa hun samundar likh raha hun

    sadaf andar sadaf the jo maani

    unhen gauhar-ba-gauhar likh raha hun

    nahin ye shairi hargiz nahin hai

    main KHud apna muqaddar likh raha hun

    har ek tifl-e-qalam ye sochta hai

    main kal duniya se behtar likh raha hun

    nazar aati nahin jo dil ki duniya

    use manzar-ba-manzar likh raha hun

    mai-lab se mujhe KHush karne walo

    tumhaare nam kausar likh raha hun

    jo masti hai mera maqsum 'sahba'

    use saghar-ba-saghar likh raha hun

    Source:

    • Book : Sarkashidah (Pg. 185)
    • Author : Sahba Akhtar
    • Publication : Maktaba-e-Nadeem ke airia ko rangi Karachi (1977)
    • Edition : 1977
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY