ba-KHuda hain teri hindu bu-e-mai-KHwar aankhen

Hatim Ali Mehr

ba-KHuda hain teri hindu bu-e-mai-KHwar aankhen

Hatim Ali Mehr

MORE BY Hatim Ali Mehr

    ba-ḳhudā haiñ tirī hindū bu-e-mai-ḳhvār āñkheñ

    nashshe Dorī nahīñ pahne haiñ zunnār āñkheñ

    chashm-e-āhū se ġharaz thī na mujhe nargis se

    terī āñkhoñ se jo miltīñ na ye do-chār āñkheñ

    chār-chashm is liye kahtā hai mujhe ik aalam

    ki mirī āñkhoñ meñ phirtī haiñ tirī yaar āñkheñ

    dekhte rahte haiñ ham raah tumhārī sāhab

    aap aate nahīñ aa jaatī haiñ har baar āñkheñ

    pyaar se maiñ ne jo dekhā to vo farmāte haiñ

    dekhiye dekhiye hotī haiñ gunahgār āñkheñ

    chuum lete haiñ vo ā.īne meñ āñkheñ apnī

    lab masīhā.ī kareñge ki haiñ bīmār āñkheñ

    āgara chhūT gayā 'mehr' to chunnār meñ bhī

    DhūñDā kartī haiñ vahī kūcha-o-bāzār āñkheñ

    ba-KHuda hain teri hindu bu-e-mai-KHwar aankhen

    nashshe ki Dori nahin pahne hain zunnar aankhen

    chashm-e-ahu se gharaz thi na mujhe nargis se

    teri aankhon se jo miltin na ye do-chaar aankhen

    chaar-chashm is liye kahta hai mujhe ek aalam

    ki meri aankhon mein phirti hain teri yar aankhen

    dekhte rahte hain hum rah tumhaari sahab

    aap aate nahin aa jati hain har bar aankhen

    pyar se main ne jo dekha to wo farmate hain

    dekhiye dekhiye hoti hain gunahgar aankhen

    chum lete hain wo aaine mein aankhen apni

    lab masihai karenge ki hain bimar aankhen

    aagara chhuT gaya 'mehr' to chunnar mein bhi

    DhunDa karti hain wahi kucha-o-bazar aankhen

    Source:

    • Book : Ghazal Usne Chhedi(3) (Pg. 148)
    • Author : Farhat Ehsas
    • Publication : Rekhta Books (2017)
    • Edition : 2017
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY