ba-rang-e-nikhat-e-gul hai chaman mein aashiyan apna
ba-rang-e-nikhat-e-gul hai chaman mein aashiyan apna
Qaisar Amravatwi
MORE BYQaisar Amravatwi
ba-rañg-e-nik.hat-e-gul hai chaman meñ āshiyāñ apnā
kisī ke rāzdāñ ham haiñ na koī rāz-dāñ apnā
chale to jā rahe haiñ kyā batā.eñ kal kahāñ hoñge
ḳhudā ma.alūm kis manzil pe Thahre kārvāñ apnā
yahī achchhā huā mahfil meñ terī chup rahe varna
ġham-e-dil kī kahānī aur phir tarz-e-bayāñ apnā
supurd-e-ishq ham to kar chuke sarmāya-e-hastī
jo ahl-e-hosh haiñ sochā kareñ sūd-o-ziyāñ apnā
huā hī chāhtī hai shaam bhī ab sub.h piirī kī
magar ab tak to hai pahlū meñ 'qaisar' dil javāñ apnā
ba-rang-e-nikhat-e-gul hai chaman mein aashiyan apna
kisi ke raazdan hum hain na koi raaz-dan apna
chale to ja rahe hain kya bataen kal kahan honge
KHuda malum kis manzil pe Thahre karwan apna
yahi achchha hua mahfil mein teri chup rahe warna
gham-e-dil ki kahani aur phir tarz-e-bayan apna
supurd-e-ishq hum to kar chuke sarmaya-e-hasti
jo ahl-e-hosh hain socha karen sud-o-ziyan apna
hua hi chahti hai sham bhi ab subh piri ki
magar ab tak to hai pahlu mein 'qaisar' dil jawan apna
Source:
Tufan-o-Sahil (Pg. 120)
- Author: Qaisar Amravatwi
-
- Edition: 1958
- Publisher: Abdul Hafeez Khan
- Year of Publication: 1958
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
