ba-sad aarzu jo wo aaya to ye hijab-e-ishq se haal tha

Jurat Qalandar Bakhsh

ba-sad aarzu jo wo aaya to ye hijab-e-ishq se haal tha

Jurat Qalandar Bakhsh

MORE BY Jurat Qalandar Bakhsh

    ba-sad aarzū jo vo aayā to ye hijāb-e-ishq se haal thā

    ki hazāroñ dil meñ thiiñ hasrateñ aur uThānā aañkh muhāl thā

    rahā shab jo ham se judā koī to kahe ye vāqi.a kyā koī

    shab-e-hijr thī ki balā koī jise dekhte visāl thā

    ruḳh-e-yār na paḌā nazar rahe ham alam se ye nauhagar

    ki hamāre rañj-o-malāl par to malāl ko bhī malāl thā

    kare kaun us se barābarī mah-o-zohra sab ko thī ham-sarī

    dam-e-sub.h dekh sitamgarī ruḳh-e-mahr zarra-misāl thā

    shab-e-vasl dekh ke ḳhvāb meñ maiñ paḌā thā saḳht azaab meñ

    the hazār soch javāb meñ ajab us mujh se savāl thā

    mire josh-e-ashk se bahra-var hue kul jahān ke bahr-o-bar

    na barastī aaj ye chashm-e-tar to ḳhudā-na-ḳhvāsta kaal thā

    jo numūd karte aap se lage baiThne vo shitāb se

    to ye pūchhe koī hubāb se ki phulā.e apne ye gaal thā

    havā maiñ bhī dāḳhil-e-kushtgāñ to abas hove hai sar-garāñ

    ki mire gale taraf miyāñ tire āb-e-teġh Dhaal thā

    diyā khā ke aap ne paan jo dil-e-mubtalā huā surḳh-rū

    use samjhā peT bojh vo jo tumhāre muñh ugaal thā

    jo marīz thā paḌā jāñ-ba-lab ḳhabar aur kuchh nahīñ us ab

    magar itnā kahte haiñ log sab ki baḌā ye nek-ḳhisāl thā

    jo chaman se duur qafas huā to maiñ aur asīr-e-havas huā

    ye jo zulm ab ke baras huā yahī qahr agle bhī saal thā

    nahīñ chāhtā hai ab āsmāñ ki ham aur vo huuñ ba-yak-makāñ

    kahīñ aa gayā jo vo shab ko yaañ ki bulānā jis muhāl thā

    to ye rañg chambar-e-charḳh nazar aa.e thā mujhe barmalā

    kabhī thā siyah kabhī zard thā kabhī sabz thā kabhī laal thā

    na kisī ne qadr 'jur.at' ab kahe sher garche ajab ajab

    jo na hoñge ham to kaheñge sab ki baḌā ye ahl-e-kamāl thā

    ba-sad aarzu jo wo aaya to ye hijab-e-ishq se haal tha

    ki hazaron dil mein thin hasraten aur uThana aankh muhaal tha

    raha shab jo hum se juda koi to kahe ye waqia kya koi

    shab-e-hijr thi ki bala koi jise dekhte hi visal tha

    ruKH-e-yar ta na paDa nazar rahe hum alam se ye nauhagar

    ki hamare ranj-o-malal par to malal ko bhi malal tha

    kare kaun us se barabari mah-o-zohra sab ko thi ham-sari

    dam-e-subh dekh sitamgari ruKH-e-mahr zarra-misal tha

    shab-e-wasl dekh ke KHwab mein main paDa tha saKHt azab mein

    the hazar soch jawab mein ajab us ka mujh se sawal tha

    mere josh-e-ashk se bahra-war hue kul jahan ke bahr-o-bar

    na barasti aaj ye chashm-e-tar to KHuda-na-KHwasta kal tha

    jo numud karte hi aap se lage baiThne wo shitab se

    to ye puchhe koi hubab se ki phulae apne ye gal tha

    hawa main bhi daKHil-e-kushtgan to abas tu howe hai sar-garan

    ki mere gale ki taraf miyan tere aab-e-tegh ka Dhaal tha

    diya kha ke aap ne pan jo dil-e-mubtala hua surKH-ru

    use samjha peT ka bojh wo jo tumhaare munh ka ugal tha

    jo mariz tha paDa jaan-ba-lab KHabar aur kuchh nahin us ki ab

    magar itna kahte hain log sab ki baDa ye nek-KHisal tha

    jo chaman se dur qafas hua to main aur asir-e-hawas hua

    ye jo zulm ab ke baras hua yahi qahr agle bhi sal tha

    nahin chahta hai ab aasman ki hum aur wo hun ba-yak-makan

    kahin aa gaya jo wo shab ko yan ki bulana jis ka muhaal tha

    to ye rang chambar-e-charKH ka nazar aae tha mujhe barmala

    kabhi tha siyah kabhi zard tha kabhi sabz tha kabhi lal tha

    na kisi ne qadr ki 'jurat' ab kahe sher garche ajab ajab

    jo na honge hum to kahenge sab ki baDa ye ahl-e-kamal tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY