ba-tarz-e-KHwa sajaani paDi hai aaKHir-kar
ba-tarz-e-ḳhvā sajānī paḌī hai āḳhir-kār
na.ī zamīn banānī paḌī hai āḳhir-kār
tapish ne jis kī mujhe kīmiyā banānā thā
mujhe vo aag bujhānī paḌī hai āḳhir-kār
bahut dinoñ se ye miTTī paḌī thī ek jagah
har ek samt uḌānī paḌī hai āḳhir-kār
jahāñ pe qasr banā.e ga.e the kāġhaz ke
vahāñ se raakh uThānī paḌī hai āḳhir-kār
vo paañv bhīge hue dekhne kī ḳhvāhish meñ
chaman meñ os bichhānī paḌī hai āḳhir-kār
mire badan kī ziyā baḌh ga.ī thī sūraj se
lahū meñ raat milānī paḌī hai āḳhir-kār
zamīñ pe daaġh bahut paḌ ga.e the ḳhuun ke daaġh
falak ko barf girānī paḌī hai āḳhir-kār
ba-tarz-e-KHwa sajaani paDi hai aaKHir-kar
nai zamin banani paDi hai aaKHir-kar
tapish ne jis ki mujhe kimiya banana tha
mujhe wo aag bujhani paDi hai aaKHir-kar
bahut dinon se ye miTTi paDi thi ek jagah
har ek samt uDani paDi hai aaKHir-kar
jahan pe qasr banae gae the kaghaz ke
wahan se rakh uThani paDi hai aaKHir-kar
wo panw bhige hue dekhne ki KHwahish mein
chaman mein os bichhani paDi hai aaKHir-kar
mere badan ki ziya baDh gai thi suraj se
lahu mein raat milani paDi hai aaKHir-kar
zamin pe dagh bahut paD gae the KHun ke dagh
falak ko barf girani paDi hai aaKHir-kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
