ba-zahir kya hai jo hasil nahin hai
ba-zāhir kyā hai jo hāsil nahīñ hai
magar ye to mirī manzil nahīñ hai
ye tuuda ret kā hai beach dariyā
ye bah jā.egā ye sāhil nahīñ hai
bahut āsān hai pahchān us kī
agar dukhtā nahīñ to dil nahīñ hai
musāfir vo ajab hai kārvāñ meñ
ki jo hamrāh hai shāmil nahīñ hai
bas ik maqtūl hī maqtūl kab hai
bas ik qātil hī to qātil nahīñ hai
kabhī to raat ko tum raat kah do
ye kaam itnā bhī ab mushkil nahīñ hai
ba-zahir kya hai jo hasil nahin hai
magar ye to meri manzil nahin hai
ye tuda ret ka hai beach dariya
ye bah jaega ye sahil nahin hai
bahut aasan hai pahchan us ki
agar dukhta nahin to dil nahin hai
musafir wo ajab hai karwan mein
ki jo hamrah hai shamil nahin hai
bas ek maqtul hi maqtul kab hai
bas ek qatil hi to qatil nahin hai
kabhi to raat ko tum raat kah do
ye kaam itna bhi ab mushkil nahin hai
Source:
LAVA (Pg. 31)
- Author: JAVED AKHTAR
-
- Edition: 2012
- Publisher: RAJ KAMAL PARKASHAN
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
