ba-zahir ye wahi milne bichhaDne ki hikayat hai

Arman Najmi

ba-zahir ye wahi milne bichhaDne ki hikayat hai

Arman Najmi

MORE BYArman Najmi

    ba-zāhir ye vahī milne bichhaḌne hikāyat hai

    yahāñ lekin gharoñ ke bhī ujaḌne hikāyat hai

    sipah-sālār kuchh likhtā hai tasvīr-e-hazīmat meñ

    magar ye to adū ke paañv paḌne hikāyat hai

    kanīz-e-be-navā ne ek shahzāde ko chāhā kyuuñ

    mohabbat zinda dīvāroñ meñ gaḌne hikāyat hai

    khulī āñkheñ to kāñdhoñ par kitāboñ se bharā basta

    laḌakpan ab kahāñ titlī pakaḌne hikāyat hai

    ka.ī sadiyāñ gañvā diiñ ham ne kam-koshī rāhat meñ

    bahut dukh bharī apne bichhaḌne hikāyat hai

    parā.ī ḳhaak ne un par kahīñ bāñheñ na phailā.īñ

    ye hijrat safar jaḌ se ukhaḌne hikāyat hai

    qadam kab tak jame rahte mire sailāb zad meñ

    mirī be-chārgī tinke pakaḌne hikāyat hai

    ba-zahir ye wahi milne bichhaDne ki hikayat hai

    yahan lekin gharon ke bhi ujaDne ki hikayat hai

    sipah-salar kuchh likhta hai taswir-e-hazimat mein

    magar ye to adu ke panw paDne ki hikayat hai

    kaniz-e-be-nawa ne ek shahzade ko chaha kyun

    mohabbat zinda diwaron mein gaDne ki hikayat hai

    khuli aankhen to kandhon par kitabon se bhara basta

    laDakpan ab kahan titli pakaDne ki hikayat hai

    kai sadiyan ganwa din hum ne kam-koshi ki rahat mein

    bahut hi dukh bhari apne bichhaDne ki hikayat hai

    parai KHak ne un par kahin banhen na phailain

    ye hijrat ka safar jaD se ukhaDne ki hikayat hai

    qadam kab tak jame rahte mere sailab ki zad mein

    meri be-chaargi tinke pakaDne ki hikayat hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY