ba-samar hone ki ummid pe baiTha hun main

bā-samar hone kī ummīd pe baiThā huuñ maiñ

apnī taqdīr meñ bārānī ilāqa huuñ maiñ

hiddat-e-lams mujhe ātish-e-ehsās lagā

barf-ālūd havāoñ kā jamāyā huuñ maiñ

mere kirdār ko is daur ne samjhā hī nahīñ

qissa-e-ahd-e-guzishta kā havāla huuñ maiñ

umr hai rassī pe chalte hue shole kī tarah

khel meñ geñd pakaḌtā huā bachcha huuñ maiñ

hañstā huuñ kheltā huuñ chīḳhtā huuñ rotā huuñ

itne mutazād ravayyoñ kā Thikāna huuñ maiñ

har na.e paat kī aamad kī ḳhushī mujh se hai

aur har jhaḌtī huī shāḳh kā sadma huuñ maiñ

aise māhaul kā hissa huuñ jo merā nahīñ hai

kabhī fariyād sarāpā kabhī shikva huuñ maiñ

ba-samar hone ki ummid pe baiTha hun main

apni taqdir mein barani ilaqa hun main

hiddat-e-lams mujhe aatish-e-ehsas laga

barf-alud hawaon ka jamaya hun main

mere kirdar ko is daur ne samjha hi nahin

qissa-e-ahd-e-guzishta ka hawala hun main

umr hai rassi pe chalte hue shole ki tarah

khel mein gend pakaDta hua bachcha hun main

hansta hun khelta hun chiKHta hun rota hun

itne mutazad rawayyon ka Thikana hun main

har nae pat ki aamad ki KHushi mujh se hai

aur har jhaDti hui shaKH ka sadma hun main

aise mahaul ka hissa hun jo mera nahin hai

kabhi fariyaad sarapa kabhi shikwa hun main