baad-e-makin makan ka gar baam raha to kya hua
baad-e-makin makan ka gar baam raha to kya hua
Gulam Yahya Huzur Azimabadi
MORE BYGulam Yahya Huzur Azimabadi
ba.ad-e-makīñ makāñ kā gar baam rahā to kyā huā
aap hī jab rahe nahīñ naam rahā to kyā huā
chashm se kyā hai fā.eda dil meñ na ho jo zauq-e-dīd
shīshe meñ mai na jab rahe jaam rahā to kyā huā
ham se ġharīb bhī bhalā mujre ke bāryāb hoñ
izn terā kabhī kabhī aam rahā to kyā huā
ġhair-e-vafā meñ puḳhta haiñ yuuñ hī sahī pa mujh sā bhī
ek tirī janāb meñ ḳhaam rahā to kyā huā
ram to tirā sabhoñ se hai ai but-e-man hiran bhalā
apne 'huzūr' se kabhī raam rahā to kyā huā
baad-e-makin makan ka gar baam raha to kya hua
aap hi jab rahe nahin nam raha to kya hua
chashm se kya hai faeda dil mein na ho jo zauq-e-did
shishe mein mai na jab rahe jam raha to kya hua
hum se gharib bhi bhala mujre ke baryab hon
izn tera kabhi kabhi aam raha to kya hua
ghair-e-wafa mein puKHta hain yun hi sahi pa mujh sa bhi
ek teri janab mein KHam raha to kya hua
ram to tera sabhon se hai ai but-e-man hiran bhala
apne 'huzur' se kabhi ram raha to kya hua
Source:
Dewan-e-Huzoor (E-Book) (Pg. B-86 E-85)
- Author: Gulam Yahya Huzur Azimabadi
-
- Edition: 1977
- Publisher: Liberty Art Press, Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
