baada-kash hun na parsa hun main
bāda-kash huuñ na pārsā huuñ maiñ
koī samjhā.e mujh ko kyā huuñ maiñ
raat bikhre hue sitāroñ ko
din kī bāteñ sunā rahā huuñ maiñ
mere dil meñ haiñ ġham zamāne ke
saarī duniyā kā mājrā huuñ maiñ
sher achchhe bure hoñ mere haiñ
zehn se apne sochtā huuñ maiñ
koī manzil nahīñ mirī manzil
kis dorāhe pe aa gayā huuñ maiñ
yuuñ girā huuñ ki uTh nahīñ saktā
shāyad apnā hī naqsh-e-pā huuñ maiñ
un kā afsāna kahte kahte 'zuhair'
apnī rūdād kah gayā huuñ maiñ
baada-kash hun na parsa hun main
koi samjhae mujh ko kya hun main
raat bikhre hue sitaron ko
din ki baaten suna raha hun main
mere dil mein hain gham zamane ke
sari duniya ka majra hun main
sher achchhe bure hon mere hain
zehn se apne sochta hun main
koi manzil nahin meri manzil
kis dorahe pe aa gaya hun main
yun gira hun ki uTh nahin sakta
shayad apna hi naqsh-e-pa hun main
un ka afsana kahte kahte 'zuhair'
apni rudad kah gaya hun main
Source:
Dariche (Pg. 41)
- Author: Bashir Saifi
-
- Edition: 1975
- Publisher: Shakhsar Publishers
- Year of Publication: 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
