baadal chhaTe to raat ka har zaKHm wa hua

bādal chhaTe to raat kā har zaḳhm vā huā

aañsū ruke to aañkh meñ mahshar bapā huā

sūkhī zamīñ pe bikhrī huī chand pattiyāñ

kuchh to batā nigār-e-chaman tujh ko kyā huā

aise baḌhe ki manzileñ raste meñ bichh ga.iiñ

aise ga.e ki phir na kabhī lauTnā huā

ai justujū kahāñ ga.e vo hausle tire

kis dasht meñ ḳharāb tirā qāfila huā

pahuñche pas-e-ḳhayāl to dekhā ki ret par

ḳhema thā ek phuul kī sūrat khilā huā

aa.ī shab-e-siyah to diye jhilmilā uThe

thā raushnī meñ shahr hamārā bujhā huā

baadal chhaTe to raat ka har zaKHm wa hua

aansu ruke to aankh mein mahshar bapa hua

sukhi zamin pe bikhri hui chand pattiyan

kuchh to bata nigar-e-chaman tujh ko kya hua

aise baDhe ki manzilen raste mein bichh gain

aise gae ki phir na kabhi lauTna hua

ai justuju kahan gae wo hausle tere

kis dasht mein KHarab tera qafila hua

pahunche pas-e-KHayal to dekha ki ret par

KHema tha ek phul ki surat khila hua

aai shab-e-siyah to diye jhilmila uThe

tha raushni mein shahr hamara bujha hua