bagh mein aamad-e-bahaar hai aaj

baaġh meñ āmad-e-bahār hai aaj

chashm-e-nargis ko intizār hai aaj

pā-ba-zanjīr mauj aise kahūñ

baaġh meñ sarv-e-jū-e-bār hai aaj

aa.egā kyā koī sanobar-qad

qumriyoñ kā magar shikār hai aaj

nighat-e-gul huī hai muzhda-rasāñ

baad ke ghoḌe par savār hai aaj

vasf kis kā kiyā thā bulbul ne

gul jo us ke gale kā haar hai aaj

sang-barsar-zanāñ ye kis ke liye

kaho gulshan meñ ābshār hai aaj

ḳhanda-e-gul ko dekh kar bulbul

hama-tan nāla-hā-e-zār hai aaj

kahā bād-e-sabā ne ai nādāñ

sīna-e-dushmanāñ figār hai aaj

shāh-e-duldul-savār aatā hai

tā falak nuur kā ġhubār hai aaj

kahā maiñ ne ki ye suḳhan terā

muzhda-e-jān be-qarār hai aaj

habbazā marhabā sharāb-e-tahūr

sāqiyā ruḳhsat-e-ḳhumār hai aaj

fart-e-shauq-e-jamāl-e-yār ke haath

dāman-e-sabr tār-tār hai aaj

aa.iye ai 'zamīr' matlab par

yaañ se manzūr iḳhtisār hai aaj

bagh mein aamad-e-bahaar hai aaj

chashm-e-nargis ko intizar hai aaj

pa-ba-zanjir mauj aise kahun

bagh mein sarw-e-ju-e-bar hai aaj

aaega kya koi sanobar-qad

qumriyon ka magar shikar hai aaj

nighat-e-gul hui hai muzhda-rasan

baad ke ghoDe par sawar hai aaj

wasf kis ka kiya tha bulbul ne

gul jo us ke gale ka haar hai aaj

sang-barsar-zanan ye kis ke liye

kaho gulshan mein aabshaar hai aaj

KHanda-e-gul ko dekh kar bulbul

hama-tan nala-ha-e-zar hai aaj

kaha baad-e-saba ne ai nadan

sina-e-dushmanan figar hai aaj

shah-e-duldul-sawar aata hai

ta falak nur ka ghubar hai aaj

kaha main ne ki ye suKHan tera

muzhda-e-jaan be-qarar hai aaj

habbaza marhaba sharab-e-tahur

saqiya ruKHsat-e-KHumar hai aaj

fart-e-shauq-e-jamal-e-yar ke hath

daman-e-sabr tar-tar hai aaj

aaiye ai 'zamir' matlab par

yan se manzur iKHtisar hai aaj