bahar nikal ke dekhiye tufan kam hua

bāhar nikal ke dekhiye tūfān kam huā

mat roiye janāb kā nuqsān kam huā

sāda-dilī meñ jaan gañvānī paḌī hameñ

sab jhūTh kah rahe the ki haijān kam huā

ham ishtihār vaale nahīñ she'r vaale the

mehnat ziyāda kī ga.ī e'lān kam huā

ham to tumhāre hijr meñ mar hī ga.e the yaar

vāraftagī nahīñ thī so nuqsān kam huā

terā pata sañbhāl ke rakkhā ye chaal thī

maiñ apnī justujū meñ pareshān kam huā

sehhat kā ġhusl kar ke kiyā 'ishq zeb-e-tan

yā'nī badan kī maut pe īmān kam huā

bahar nikal ke dekhiye tufan kam hua

mat roiye janab ka nuqsan kam hua

sada-dili mein jaan ganwani paDi hamein

sab jhuTh kah rahe the ki haijaan kam hua

hum ishtihaar wale nahin she'r wale the

mehnat ziyaada ki gai e'lan kam hua

hum to tumhaare hijr mein mar hi gae the yar

waraftagi nahin thi so nuqsan kam hua

tera pata sanbhaal ke rakkha ye chaal thi

main apni justuju mein pareshan kam hua

sehhat ka ghusl kar ke kiya 'ishq zeb-e-tan

ya'ni badan ki maut pe iman kam hua