bais-e-arz-e-hunar karb-e-nihani nikla
bā.is-e-arz-e-hunar karb-e-nihānī niklā
lafz hī mamba-e-dariyā-e-ma.ānī niklā
sab ke hoñToñ ko chhuā abr-e-ravāñ ne lekin
mere hisse kā na dariyāoñ meñ paanī niklā
kaun hotā hai sharīk-e-safar-e-tanhā.ī
merā saaya hī mirā dushman-e-jānī niklā
zindagī jis ke tasavvur meñ basar kī ham ne
haa.e vo shaḳhs haqīqat meñ kahānī niklā
jis ke siine meñ bhī 'shādāb' utar kar dekhā
taḳhta-e-mashq-e-sitam haa.e girānī niklā
bais-e-arz-e-hunar karb-e-nihani nikla
lafz hi mamba-e-dariya-e-maani nikla
sab ke honTon ko chhua abr-e-rawan ne lekin
mere hisse ka na dariyaon mein pani nikla
kaun hota hai sharik-e-safar-e-tanhai
mera saya hi mera dushman-e-jaani nikla
zindagi jis ke tasawwur mein basar ki hum ne
hae wo shaKHs haqiqat mein kahani nikla
jis ke sine mein bhi 'shadab' utar kar dekha
taKHta-e-mashq-e-sitam hae girani nikla
Source:
Rooh-e-Ghazal,Pachas Sala Intekhab (Pg. 719)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
