baalin pe ho ai jaan jo ranai se guzre

bālīñ pe ho ai jaan jo ra.anā.ī se guzre

murda mirā dekhe jo masīhā.ī se guzre

ġham marne kā apne to na thā gor meñ jākar

andeshe hazāroñ tirī ra.anā.ī se guzre

dīvāne se pursish hai na vīrāne se hāsil

nādānī meñ kyoñ ho.e tū dānā.ī se guzre

bhariye vahīñ tak jis meñ na chhalke mire sāhib

is tarah kī ham lāf-shakebā.ī se guzre

kahte the vo kal sun ke 'nasīm' aap kā charchā

aksar haiñ idhar se bhī vo saudā.ī se guzre

baalin pe ho ai jaan jo ranai se guzre

murda mera dekhe jo masihai se guzre

gham marne ka apne to na tha gor mein jakar

andeshe hazaron teri ranai se guzre

diwane se pursish hai na virane se hasil

nadani mein kyon hoe tu danai se guzre

bhariye wahin tak jis mein na chhalke mere sahib

is tarah ki hum laf-shakebai se guzre

kahte the wo kal sun ke 'nasim' aap ka charcha

aksar hain idhar se bhi wo saudai se guzre