baam-o-dar TuT gae bah gaya pani kitna

Shahid Mahuli

baam-o-dar TuT gae bah gaya pani kitna

Shahid Mahuli

MORE BYShahid Mahuli

    bām-o-dar TuuT ga.e bah gayā paanī kitnā

    aur barbād karegī ye javānī kitnā

    rañg kumhlā diyā bāloñ meñ piro chāñdī

    tuul khīñchegī abhī aur kahānī kitnā

    ye talātum ye anā ābla-pā.ī ye junūñ

    ham bhī dekheñge ki hai josh-e-javānī kitnā

    darmiyāñ aa gayā ib.hām ik koh garāñ

    DhūñDte rah ga.e ham dasht-e-ma.ānī kitnā

    barf tarah jame jaate haiñ saare alfāz

    kaam aa.egī yahāñ sehr-bayānī kitnā

    Duub kar sāñsoñ meñ rag rag meñ samā kar dekho

    mas.ala dil sulajhtā hai zabānī kitnā

    baḌhtā jā.egā ye sailāb-e-havādis 'shāhid'

    rok pā.egā koī zor-e-ravānī kitnā

    baam-o-dar TuT gae bah gaya pani kitna

    aur barbaad karegi ye jawani kitna

    rang kumhla diya baalon mein piro di chandi

    tul khinchegi abhi aur kahani kitna

    ye talatum ye ana aabla-pai ye junun

    hum bhi dekhenge ki hai josh-e-jawani kitna

    darmiyan aa gaya ibham ka ek koh garan

    DhunDte rah gae hum dasht-e-maani kitna

    barf ki tarah jame jate hain sare alfaz

    kaam aaegi yahan sehr-bayani kitna

    Dub kar sanson mein rag rag mein sama kar dekho

    masala dil ka sulajhta hai zabani kitna

    baDhta jaega ye sailab-e-hawadis 'shahid'

    rok paega koi zor-e-rawani kitna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY