bandha tha kisi shoKH se paiman-e-tamanna

bāñdhā thā kisī shoḳh se paimān-e-tamanna

rangīñ hai mirā ālam-e-imkān-e-tamanna

ik zulf-e-siyah mast thī īmān-e-tamanna

ik chehra-e-gulnār thā unvān-e-tamannā

sad-shukr ki tūfān-e-havādis ke muqābil

jaltī hī rahī sham.a-e-shabistān-e-tamanna

vo arz-e-muqaddas hai kahāñ chāñd-sitāro

khilte haiñ jahāñ lāla-o-raihān-e-tamanna

āvāra-e-darmāñ mujhe rakkhegā azal tak

ye dil meñ khaTaktā huā paikān-e-tamanna

zindāñ se kisī tarah nahīñ kam ye ḳhudā.ī

har dil hai yahāñ soḳhta-sāmān-e-tamannā

bandha tha kisi shoKH se paiman-e-tamanna

rangin hai mera aalam-e-imkan-e-tamanna

ek zulf-e-siyah mast thi iman-e-tamanna

ek chehra-e-gulnar tha unwan-e-tamanna

sad-shukr ki tufan-e-hawadis ke muqabil

jalti hi rahi shama-e-shabistan-e-tamanna

wo arz-e-muqaddas hai kahan chand-sitaro

khilte hain jahan lala-o-raihan-e-tamanna

aawara-e-darman mujhe rakkhega azal tak

ye dil mein khaTakta hua paikan-e-tamanna

zindan se kisi tarah nahin kam ye KHudai

har dil hai yahan soKHta-saman-e-tamanna