baqi na rahe hosh junun aisa hua tez
baaqī na rahe hosh junūñ aisā huā tez
utnā hī bhaTaktā rahā maiñ jitnā chalā tez
din Dhalne lagā baḌhne lage shaam ke saa.e
ai sust qadam ab to qadam apne uThā tez
kyā jāniye zālim ne kise qatl kiyā hai
kyuuñ hāthoñ meñ aaj us ke huā rañg-e-hinā tez
ab manzil-e-maqsūd bahut duur nahīñ hai
ai ham-safaro aur zarā aur zarā tez
dekho to sahī kis ke ishāre pe chalī hai
aa.ī hai kidhar se ye fasādoñ kī havā tez
allāh re ye mere safīne kā muqaddar
do haath hī sāhil thā ki tūfān chaḌhā tez
ai 'shauq' mire haal pe ye ḳhuub karam hai
jab sham.a jalātā huuñ to hotī hai havā tez
baqi na rahe hosh junun aisa hua tez
utna hi bhaTakta raha main jitna chala tez
din Dhalne laga baDhne lage sham ke sae
ai sust qadam ab to qadam apne uTha tez
kya jaaniye zalim ne kise qatl kiya hai
kyun hathon mein aaj us ke hua rang-e-hina tez
ab manzil-e-maqsud bahut dur nahin hai
ai ham-safaro aur zara aur zara tez
dekho to sahi kis ke ishaare pe chali hai
aai hai kidhar se ye fasadon ki hawa tez
allah re ye mere safine ka muqaddar
do hath hi sahil tha ki tufan chaDha tez
ai 'shauq' mere haal pe ye KHub karam hai
jab shama jalata hun to hoti hai hawa tez
Source:
Rooh-e-Ghazal,Pachas Sala Intekhab (Pg. 244)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
