bar-e-digar hum ahl-e-hunar sochte nahin

bār-e-digar ham ahl-e-hunar sochte nahīñ

chhāoñ luTāte vaqt shajar sochte nahīñ

ye zindagī ke mas.ale to saath saath haiñ

aa baiTh mai-kade meñ jigar sochte nahīñ

kaise kahāñ se ham ko ye gard-e-safar milī

kuchh sochnā to chāhiye par sochte nahīñ

gar chal paḌā hai saath to pīchhe na muḌ ke dekh

ai jān-e-jāñ ham ahl-e-safar sochte nahīñ

ham aise log 'ishq meñ bas jhūmte haiñ dost

bas jhūmte haiñ mahv-e-safar sochte nahīñ

bar-e-digar hum ahl-e-hunar sochte nahin

chhaon luTate waqt shajar sochte nahin

ye zindagi ke masale to sath sath hain

aa baiTh mai-kade mein jigar sochte nahin

kaise kahan se hum ko ye gard-e-safar mili

kuchh sochna to chahiye par sochte nahin

gar chal paDa hai sath to pichhe na muD ke dekh

ai jaan-e-jaan hum ahl-e-safar sochte nahin

hum aise log 'ishq mein bas jhumte hain dost

bas jhumte hain mahw-e-safar sochte nahin