baat ban jaane ka imkan bhi ho sakta hai

baat ban jaane kā imkān bhī ho saktā hai

mas.ala kahne se āsān bhī ho saktā hai

aap jis baat ko ma.amūlī samajh baiThe haiñ

koī is baat pe hairān bhī ho saktā hai

ek sargoshī tanāvar bhī to ho saktī hai

terī har baat kā elaan bhī ho saktā hai

gumrahī meñ jo mirī rāhbarī ko aayā

ḳhud vo bhaTkā huā insān bhī ho saktā hai

pesh-bañdī ise tum kahte ho merī lekin

ba-ḳhudā ye mirā vijdān bhī ho saktā hai

tum ne lafzoñ meñ jo Tāñkā hai nagīne kī tarah

vo kisī aur kā farmān bhī ho saktā hai

mere raste hī mirī tajraba-gāheñ haiñ 'qamar'

garche in rāhoñ meñ nuqsān bhī ho saktā hai

baat ban jaane ka imkan bhi ho sakta hai

masala kahne se aasan bhi ho sakta hai

aap jis baat ko mamuli samajh baiThe hain

koi is baat pe hairan bhi ho sakta hai

ek sargoshi tanawar bhi to ho sakti hai

teri har baat ka elan bhi ho sakta hai

gumrahi mein jo meri rahbari ko aaya

KHud wo bhaTka hua insan bhi ho sakta hai

pesh-bandi ise tum kahte ho meri lekin

ba-KHuda ye mera wijdan bhi ho sakta hai

tum ne lafzon mein jo Tanka hai nagine ki tarah

wo kisi aur ka farman bhi ho sakta hai

mere raste hi meri tajraba-gahen hain 'qamar'

garche in rahon mein nuqsan bhi ho sakta hai