baat niklī to mirī zaat par aa kar Thahrī
zaat se niklī to auqāt par aa kar Thahrī
apne haq meñ kabhī isbāt nahīñ de paayā
be-gunāhī mirī is baat par aa kar Thahrī
jab bhī uTThī kabhī chehroñ ke liye merī nazar
har dafa sirf hijābāt par aa kar Thahrī
vo jo ik baat ki jis par na kabhī maiñ Thahrā
sab kī har baat usī baat par aa kar Thahrī
muḳhtasar hī rahī chāhat kī baġhāvat mujh meñ
jab bhī sarkash huī hālāt par aa kar Thahrī
is shanāsā.ī ko kaise maiñ shanāsā.ī kahūñ
har mulāqāt mulāqāt par aa kar Thahrī
kuchh adhūre se javābāt kī nādānī se
merī hastī hī savālāt par aa kar Thahrī
saarī duniyā meñ ujāloñ kī munādī kar ke
aaj phir ek sahar raat par aa kar Thahrī
baat nikli to meri zat par aa kar Thahri
zat se nikli to auqat par aa kar Thahri
apne haq mein kabhi isbaat nahin de paya
be-gunahi meri is baat par aa kar Thahri
jab bhi uTThi kabhi chehron ke liye meri nazar
har dafa sirf hijabaat par aa kar Thahri
wo jo ek baat ki jis par na kabhi main Thahra
sab ki har baat usi baat par aa kar Thahri
muKHtasar hi rahi chahat ki baghawat mujh mein
jab bhi sarkash hui haalat par aa kar Thahri
is shanasai ko kaise main shanasai kahun
har mulaqat mulaqat par aa kar Thahri
kuchh adhure se jawabaat ki nadani se
meri hasti hi sawalat par aa kar Thahri
sari duniya mein ujalon ki munadi kar ke
aaj phir ek sahar raat par aa kar Thahri
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.