baat sun lega KHuda amin kahna

baat sun legā ḳhudā amiin kahnā

paḌh ke tum apnī duā āmīn kahnā

apnī saarī mannateñ tum budbudānā

phaaḌ kar apnā galā āmīn kahnā

chup the kyoñ tum jab tumheñ māñgā ḳhudā se

itnā bhī mushkil na thā āmīn kahnā

haañ ye thā ḳhvāhish kā merī mas.ala par

thā zarūrī aap kā āmīn kahnā

is se behtar thā ki tum ḳhāmosh rahte

kufr thā vo anmanā āmīn kahnā

rāste bhar tum duā karte chalo bas

jab dikhegā mai-kadā āmīn kahnā

māñgne aayā huuñ maiñ tum se mohabbat

ai ḳhudā tum bhī zarā āmīn kahnā

baat sun lega KHuda amin kahna

paDh ke tum apni dua aamin kahna

apni sari mannaten tum budbudana

phaD kar apna gala aamin kahna

chup the kyon tum jab tumhein manga KHuda se

itna bhi mushkil na tha aamin kahna

han ye tha KHwahish ka meri masala par

tha zaruri aap ka aamin kahna

is se behtar tha ki tum KHamosh rahte

kufr tha wo anmana aamin kahna

raste bhar tum dua karte chalo bas

jab dikhega mai-kada aamin kahna

mangne aaya hun main tum se mohabbat

ai KHuda tum bhi zara aamin kahna