baat wo baat nahin hai jo zaban tak pahunche

baat vo baat nahīñ hai jo zabāñ tak pahuñche

aañkh vo aañkh hai jo sirr-e-nihāñ tak pahuñche

qadr tāzīm kashish shauq mohabbat iz.hār

rokiye dil ko na jaane ye kahāñ tak pahuñche

dil ye har-gām pe kahtā hai Thahar ghar hai yahī

farq se tā-ba-qadam aañkh jahāñ tak pahuñche

kis ko fursat hai sune dard-bharī hai rūdād

kaun bechārgī-e-ḳhasta-dilāñ tak pahuñche

jaan lenā ye usī lamha ki dil TuuT gayā

baat jab zabt se baḌh jaa.e fuġhāñ tak pahuñche

muḌ ke dekhā bhī nahīñ dil ke lahū kī jānib

sher kī daad ye dī husn-e-bayāñ tak pahuñche

baat wo baat nahin hai jo zaban tak pahunche

aankh wo aankh hai jo sirr-e-nihan tak pahunche

qadr tazim kashish shauq mohabbat izhaar

rokiye dil ko na jaane ye kahan tak pahunche

dil ye har-gam pe kahta hai Thahar ghar hai yahi

farq se ta-ba-qadam aankh jahan tak pahunche

kis ko fursat hai sune dard-bhari hai rudad

kaun bechaargi-e-KHasta-dilan tak pahunche

jaan lena ye usi lamha ki dil TuT gaya

baat jab zabt se baDh jae fughan tak pahunche

muD ke dekha bhi nahin dil ke lahu ki jaanib

sher ki dad ye di husn-e-bayan tak pahunche