baaten karne mein to duniya mein sabhi hoshyar the

bāteñ karne meñ to duniyā meñ sabhī hoshyār the

saath dete mushkiloñ meñ vo to bas do-chār the

ham se jo karte rahe va.ade hamesha be-shumār

vaqt paḌne par mukarne ko sadā tayār the

zindagī ne ham ko dī haiñ nemateñ yuuñ to bahut

un kā sadupyog karne se hamīñ lāchār the

log jo apne farā.ez se rahe ġhāfil sadā

māñgte phir kis liye apne sabhī adhikār the

dete rahte the duhā.ī jo hamesha pyaar kī

pyaar kī rāhoñ meñ vo ban kar khaḌe dīvār the

vaqt-e-āḳhir koī aatā hai kisī ke kaam kab

kaam aa.e jo mire vo mere hī upkār the

haiñ ajab dastūr mere desh meñ ye in dinoñ

ghar meñ chorī jo kareñ vo ghar ke pahre-dār the

baaten karne mein to duniya mein sabhi hoshyar the

sath dete mushkilon mein wo to bas do-chaar the

hum se jo karte rahe wade hamesha be-shumar

waqt paDne par mukarne ko sada tayar the

zindagi ne hum ko di hain nematen yun to bahut

un ka sadupyog karne se hamin lachaar the

log jo apne faraez se rahe ghafil sada

mangte phir kis liye apne sabhi adhikar the

dete rahte the duhai jo hamesha pyar ki

pyar ki rahon mein wo ban kar khaDe diwar the

waqt-e-aKHir koi aata hai kisi ke kaam kab

kaam aae jo mere wo mere hi upkar the

hain ajab dastur mere desh mein ye in dinon

ghar mein chori jo karen wo ghar ke pahre-dar the