baaton mein DhunDte hain wo pahlu malal ka

bātoñ meñ DhūñDte haiñ vo pahlū malāl kā

matlab ye hai ki zikr na aa.e visāl kā

kyā zikr un se kījiye dil ke malāl kā

hai ḳhāmushī javāb mire har savāl kā

tā umr phir na tālib-e-jalva hue kalīm

dekhā jo ek baar karishma jamāl kā

ruḳh par paḌī huī hai naqāb-e-shuā-e-husn

mauqa.a nazar ko ḳhaak mile dekh-bhāl kā

ham nā-murād-e-ishq vo hijrāñ-nasīb haiñ

dekhā na ham ne muñh kabhī shām-e-visāl kā

būd-o-nabūd kahte haiñ ahl-e-jahāñ jise

adnā sā sho.abada hai tilism-e-ḳhayāl kā

baaton mein DhunDte hain wo pahlu malal ka

matlab ye hai ki zikr na aae visal ka

kya zikr un se kijiye dil ke malal ka

hai KHamushi jawab mere har sawal ka

ta umr phir na talib-e-jalwa hue kalim

dekha jo ek bar karishma jamal ka

ruKH par paDi hui hai naqab-e-shua-e-husn

mauqa nazar ko KHak mile dekh-bhaal ka

hum na-murad-e-ishq wo hijran-nasib hain

dekha na hum ne munh kabhi sham-e-visal ka

bud-o-nabud kahte hain ahl-e-jahan jise

adna sa shoabada hai tilism-e-KHayal ka