baz bhi aao yaad aane se
baaz bhī aao yaad aane se
kyā milegā hameñ satāne se
ḳhūn-e-dil se diye jalā.e haiñ
ho ke guzro ġharīb-ḳhāne se
kaisī be-raunaqī hai mahfil meñ
ek is ke yahāñ na aane se
dar-e-dil vā kiyā to vo aa.e
kaun aatā hai yuuñ bulāne se
tujh se bichhḌe to kab ye sochā thā
is qadar hoñge be-Thikāne se
ham to hairān haiñ ki kyuuñ ham par
zulm hai aur har bahāne se
rahne vaalā hī jab na ho 'āzar'
fā.eda kyā hai ghar sajāne se
baz bhi aao yaad aane se
kya milega hamein satane se
KHun-e-dil se diye jalae hain
ho ke guzro gharib-KHane se
kaisi be-raunaqi hai mahfil mein
ek is ke yahan na aane se
dar-e-dil wa kiya to wo aae
kaun aata hai yun bulane se
tujh se bichhDe to kab ye socha tha
is qadar honge be-Thikane se
hum to hairan hain ki kyun hum par
zulm hai aur har bahane se
rahne wala hi jab na ho 'azar'
faeda kya hai ghar sajaane se
Source:
Qarz-e-jan (Pg. 48)
- Author: Rashid Azar
-
- Edition: 2003
- Publisher: Rashid Azar
- Year of Publication: 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
