bazar tere shahr ke badnam bahut hain

bāzār tire shahr ke badnām bahut haiñ

chhoTī sī ḳhushī ke bhī yahāñ daam bahut haiñ

maiñ kaise chalūñ hausle kā haath pakaḌ kar

is zindagī meñ gardish-e-ayyām bahut haiñ

hoñToñ se baġhāvat kī sadā kaise ho jaarī

vaa.iz ko hukūmat se abhī kaam bahut haiñ

is daur meñ ummīd karūñ adl kī kaise

munsif pe hī jab qatl ke ilzām bahut haiñ

āġhosh meñ aur vaqt ke baaqī haiñ suḳhanvar

'ġhālib' bhī ka.ī 'mīr' bhī 'ḳhayyām' bahut haiñ

ye shahr bhī mahfūz nahīñ qahr-e-ḳhudā se

saaqī bhī haiñ mai-ḳhāne bhī haiñ jaam bahut haiñ

vo zaat hai vāhid vo hī ḳhāliq vo hī rāziq

maḳhlūq ne par us ko diye naam bahut haiñ

imdād-o-ibādat meñ riyā-kārī na ho 'chāñd'

iḳhlās-e-amal par vahāñ in.aam bahut haiñ

bazar tere shahr ke badnam bahut hain

chhoTi si KHushi ke bhi yahan dam bahut hain

main kaise chalun hausle ka hath pakaD kar

is zindagi mein gardish-e-ayyam bahut hain

honTon se baghawat ki sada kaise ho jari

waiz ko hukumat se abhi kaam bahut hain

is daur mein ummid karun adl ki kaise

munsif pe hi jab qatl ke ilzam bahut hain

aaghosh mein aur waqt ke baqi hain suKHanwar

'ghaalib' bhi kai 'mir' bhi 'KHayyam' bahut hain

ye shahr bhi mahfuz nahin qahr-e-KHuda se

saqi bhi hain mai-KHane bhi hain jam bahut hain

wo zat hai wahid wo hi KHaliq wo hi raaziq

maKHluq ne par us ko diye nam bahut hain

imdad-o-ibaadat mein riya-kari na ho 'chand'

iKHlas-e-amal par wahan inam bahut hain