bachi hai raushni jo bhi charaghon se nikal jae

bachī hai raushnī jo bhī charāġhoñ se nikal jaa.e

jo mere dil se niklā hai duāoñ se nikal jaa.e

ham aise log jo dushman ke rone par Thahar jaa.eñ

vo aisā shaḳhs jo apnoñ kī lāshoñ se nikal jaa.e

paḌhāne kā agar matlab hai hāthoñ se nikal jaanā

ḳhudāyā phir mirī beTī bhī hāthoñ se nikal jaa.e

vahī ik shaḳhs thā merā yahāñ par jī lagāne ko

usī ko chāhte the sab ki gaañv se nikal jaa.e

idhar to chhū rahī hai jism merā ThanDe hāthoñ se

udhar vo chāhtī hai raat bātoñ se nikal jaa.e

numā.ish baap kī daulat kī kar ke sochtā thā maiñ

ki shāyad imtihān-e-ishq paisoñ se nikal jaa.e

bachi hai raushni jo bhi charaghon se nikal jae

jo mere dil se nikla hai duaon se nikal jae

hum aise log jo dushman ke rone par Thahar jaen

wo aisa shaKHs jo apnon ki lashon se nikal jae

paDhane ka agar matlab hai hathon se nikal jaana

KHudaya phir meri beTi bhi hathon se nikal jae

wahi ek shaKHs tha mera yahan par ji lagane ko

usi ko chahte the sab ki ganw se nikal jae

idhar to chhu rahi hai jism mera ThanDe hathon se

udhar wo chahti hai raat baaton se nikal jae

numaish bap ki daulat ki kar ke sochta tha main

ki shayad imtihan-e-ishq paison se nikal jae