bachpan hai ek KHwab jawani fareb hai

bachpan hai ek ḳhvāb javānī fareb hai

is zindagī kī puurī kahānī fareb hai

dariyā meñ ham jab utre to dariyā Thahar gayā

tab jā ke ye khulā ki ravānī fareb hai

mashkīza rakh do pyaas ko rahne do bā-vaqār

ye karbalā hai dosto paanī fareb hai

do chaar din kā sog hai do chaar din kā ġham

har aañkh kī ye ashk-fishānī fareb hai

kyā kyā nahīñ hai boltā tanhā.iyoñ meñ dil

mahfil meñ us kī ‘ijz-bayānī fareb hai

aage añdherī raat hai phir aag ugaltā din

kuchh der kī ye shaam suhānī fareb hai

ye dasht hai vo ghar thā koī farq hai 'kamāl'

'uqda khulā ki naql-e-makānī fareb hai

bachpan hai ek KHwab jawani fareb hai

is zindagi ki puri kahani fareb hai

dariya mein hum jab utre to dariya Thahar gaya

tab ja ke ye khula ki rawani fareb hai

mashkiza rakh do pyas ko rahne do ba-waqar

ye karbala hai dosto pani fareb hai

do chaar din ka sog hai do chaar din ka gham

har aankh ki ye ashk-fishani fareb hai

kya kya nahin hai bolta tanhaiyon mein dil

mahfil mein us ki ‘ijz-bayani fareb hai

aage andheri raat hai phir aag ugalta din

kuchh der ki ye sham suhani fareb hai

ye dasht hai wo ghar tha koi farq hai 'kamal'

'uqda khula ki naql-e-makani fareb hai