bad-sohbaton ko chhoD sharifon ke sath ghum

bad-sohbatoñ ko chhoḌ sharīfoñ ke saath ghuum

pī ḳhush-numā glass se achchhe laboñ ko chuum

lahje ko shoḳh chehre ko taaza banā.e rakh

tahsīn kī sabā ho ki taz.hīk kī sumūm

mai-ḳhāna-e-mafād ke mai-kash haiñ hosh-mand

mauqa.a se le le jaam tavāzun ke saath jhuum

burj-e-''amal'' meñ ''chance'' ke sūraj kī kar giraft

saḌkeñ haiñ ''zā.icha'' tirā ye qumqume nujūm

Thahrā to phir uḌā.eñgī ḳhāmoshiyāñ mazāq

stage se utar jo mache tāliyoñ kī dhuum

haañ gulshan-e-talab kī inheñ bulbuleñ samajh

vīrāñ-kade meñ jism ke ye ḳhvāhishoñ ke buum

bad-sohbaton ko chhoD sharifon ke sath ghum

pi KHush-numa glass se achchhe labon ko chum

lahje ko shoKH chehre ko taza banae rakh

tahsin ki saba ho ki tazhik ki sumum

mai-KHana-e-mafad ke mai-kash hain hosh-mand

mauqa se le le jam tawazun ke sath jhum

burj-e-amal mein chance ke suraj ki kar giraft

saDken hain zaicha tera ye qumqume nujum

Thahra to phir uDaengi KHamoshiyan mazaq

stage se utar jo mache taliyon ki dhum

han gulshan-e-talab ki inhen bulbulen samajh

viran-kade mein jism ke ye KHwahishon ke bum