baDa ajib saman aaj raat KHwab mein tha

baḌā ajiib samāñ aaj raat ḳhvāb meñ thā

maiñ un ke paas thā sayyāra āftāb meñ thā

sadaf sadaf jise DhūñD aa.e DhūñDne vaale

ḳhudā kī shaan vo motī kisī hubāb meñ thā

idhar se dast o nigāh o zabāñ tamām savāl

udhar se ek sukūt-e-girāñ javāb meñ thā

havā meñ ek adhūrā fasāna kahtā huā

ye chaak chaak varaq jaane kis kitāb meñ thā

tumhārī bazm se tanhā nahīñ uThā 'ḳhurshīd'

hujūm-e-dard kā ik qāfila rikāb meñ thā

baDa ajib saman aaj raat KHwab mein tha

main un ke pas tha sayyara aaftab mein tha

sadaf sadaf jise DhunD aae DhunDne wale

KHuda ki shan wo moti kisi hubab mein tha

idhar se dast o nigah o zaban tamam sawal

udhar se ek sukut-e-giran jawab mein tha

hawa mein ek adhura fasana kahta hua

ye chaak chaak waraq jaane kis kitab mein tha

tumhaari bazm se tanha nahin uTha 'KHurshid'

hujum-e-dard ka ek qafila rikab mein tha