badal-e-lazzat-e-azar kahan se laun

Hasrat Mohani

badal-e-lazzat-e-azar kahan se laun

Hasrat Mohani

MORE BYHasrat Mohani

    badal-e-lazzat-e-āzār kahāñ se lā.ūñ

    ab tujhe ai sitam-e-yār kahāñ se lā.ūñ

    pursish-e-hāl pe hai ḳhātir-e-jānāñ maa.il

    jur.at-e-koshish-e-iz.hār kahāñ se lā.ūñ

    hai vahāñ shān-e-taġhāful ko jafā se bhī gurez

    iltifāt-e-nigah-e-yār kahāñ se lā.ūñ

    nuur anqā hai shab-e-hijr tārīkī meñ

    jalva-e-sub.h ke āsār kahāñ se lā.ūñ

    sohbat-e-ahl-e-safā ḳhuub hai maanā lekin

    raunaq-e-ḳhāna-e-ḳhummār kahāñ se lā.ūñ

    sher mere bhī haiñ pur-dard va-lekin 'hasrat'

    'mīr' sheva-e-guftār kahāñ se lā.ūñ

    badal-e-lazzat-e-azar kahan se laun

    ab tujhe ai sitam-e-yar kahan se laun

    pursish-e-haal pe hai KHatir-e-jaanan mail

    jurat-e-koshish-e-izhaar kahan se laun

    hai wahan shan-e-taghaful ko jafa se bhi gurez

    iltifat-e-nigah-e-yar kahan se laun

    nur anqa hai shab-e-hijr ki tariki mein

    jalwa-e-subh ke aasar kahan se laun

    sohbat-e-ahl-e-safa KHub hai mana lekin

    raunaq-e-KHana-e-KHummar kahan se laun

    sher mere bhi hain pur-dard wa-lekin 'hasrat'

    'mir' ka shewa-e-guftar kahan se laun

    RECITATIONS

    Nomaan Shauque

    Nomaan Shauque

    Nomaan Shauque

    badal-e-lazzat-e-azar kahan se laun Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY