badalta hai rang aasman kaise kaise
badaltā hai rang āsmāñ kaise kaise
miTātā hai pīr-o-javāñ kaise kaise
miTāyā thā rustam na chhoḌā thā sohrāb
the aalam meñ pīr-o-javāñ kaise kaise
ye piise hai sab hī ko mānind-e-chakkī
kuTe chuur haiñ ustuḳhvāñ kaise kaise
rulāyā harish-chandr ko ban ke sādhū
miTā.e haiñ shāh-e-zamāñ kaise kaise
sabhī ban ke miTte rahe miT ke bante
hue kab miTe kab kahāñ kaise kaise
bahāreñ bhī aa.iiñ ḳhizā.eñ bhī aa.iiñ
badalte haiñ rang-e-jahāñ kaise kaise
tere 'prem' meñ paḌ ga.e jo bache haiñ
hue sant bhī haiñ yahāñ kaise kaise
badalta hai rang aasman kaise kaise
miTata hai pir-o-jawan kaise kaise
miTaya tha rustam na chhoDa tha sohrab
the aalam mein pir-o-jawan kaise kaise
ye pise hai sab hi ko manind-e-chakki
kuTe chur hain ustuKHwan kaise kaise
rulaya harish-chandr ko ban ke sadhu
miTae hain shah-e-zaman kaise kaise
sabhi ban ke miTte rahe miT ke bante
hue kab miTe kab kahan kaise kaise
bahaaren bhi aain KHizaen bhi aain
badalte hain rang-e-jahan kaise kaise
tere 'prem' mein paD gae jo bache hain
hue sant bhi hain yahan kaise kaise
Source:
Jam-e-Sah-e-Aatisha (Pg. 24)
- Author: Prem Rangpuri
-
- Publisher: Prem Rangpuri
- Year of Publication: 1966
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
