badalte waqt se badla nahin nazara-e-ishq

badalte vaqt se badlā nahīñ nazāra-e-'ishq

vo āsmān-e-ḳhamoshī vahī sitāra-e-'ishq

ham ahl-e-'ishq ko aatā hai hukm-e-'ishq sadā

kitāb-e-'ishq se karte haiñ istiḳhāra-e-'ishq

hamārī ziist hī kyā barg-hā-e-ḳhushk kā Dher

aur is kī samt ravāna koī sharāra-e-'ishq

ham is ḳhayāl se us chashm-e-nam meñ utre the

hai nahr-e-'ishq to hogā kahīñ kināra-e-'ishq

badalte waqt se badla nahin nazara-e-'ishq

wo aasman-e-KHamoshi wahi sitara-e-'ishq

hum ahl-e-'ishq ko aata hai hukm-e-'ishq sada

kitab-e-'ishq se karte hain istiKHara-e-'ishq

hamari zist hi kya barg-ha-e-KHushk ka Dher

aur is ki samt rawana koi sharara-e-'ishq

hum is KHayal se us chashm-e-nam mein utre the

hai nahr-e-'ishq to hoga kahin kinara-e-'ishq