badan samundar ke lahron jaisa aur aankh dariya-e-nil jaisi

badan samundar ke lahroñ jaisā aur aañkh dariyā-e-nīl jaisī

ham in meñ bah jaa.eñ yaar lekin tirī tabī'at hai jhiil jaisī

hameñ safar meñ pata chalā thā ki us kī manzil thī aur koī

hamārī to haisiyat rahī sirf raah ke sang-e-mīl jaisī

maiñ chāhtā huuñ hasīn logoñ kā zikr she'roñ meñ jab bhī aa.e

ġhazal kā lahja 'farāz' jaisā ho naġhmagī ho 'qatīl' jaisī

hamāre ash'ār be-asar haiñ hamārā andāz 'āmiyāna

tumhārī har baat viral hai kisī hasīna kī reel jaisī

kahāñ ga.e mo’jizoñ ke munkir ab aa.eñ 'shahbāz' aa ke dekheñ

hamāre khaddar-nasīb hāthoñ meñ hai kalā.ī shanīl jaisī

badan samundar ke lahron jaisa aur aankh dariya-e-nil jaisi

hum in mein bah jaen yar lekin teri tabi'at hai jhil jaisi

hamein safar mein pata chala tha ki us ki manzil thi aur koi

hamari to haisiyat rahi sirf rah ke sang-e-mil jaisi

main chahta hun hasin logon ka zikr she'ron mein jab bhi aae

ghazal ka lahja 'faraaz' jaisa ho naghmagi ho 'qatil' jaisi

hamare ash'ar be-asar hain hamara andaz 'amiyana

tumhaari har baat wiral hai kisi hasina ki reel jaisi

kahan gae mo’jizon ke munkir ab aaen 'shahbaz' aa ke dekhen

hamare khaddar-nasib hathon mein hai kalai shanil jaisi