badan se ruh ham-aghosh hone wali thi

badan se ruuh ham-āġhosh hone vaalī thī

phir is ke ba.ad subuk-dosh hone vaalī thī

nasīb paḌh ke mirā ilm-e-ġhaib kī devī

yaqīn jāniye behosh hone vaalī thī

na sirf teġh ki pī kar mire lahū kī sharāb

zamīn-e-dasht bhī mad.hosh hone vaalī thī

nigār-ḳhāna-e-dil meñ ye dhaḌkanoñ kī ghaḌī

tire na aane se ḳhāmosh hone vaalī thī

maiñ ek laḌkā vafā-dāriyoñ kā parcham-dār

vo ek laḌkī jafā kosh hone vaalī thī

mirī javānī talāsh-e-ma.āsh meñ 'hāshim'

vatan se duur farāmosh hone vaalī thī

badan se ruh ham-aghosh hone wali thi

phir is ke baad subuk-dosh hone wali thi

nasib paDh ke mera ilm-e-ghaib ki dewi

yaqin jaaniye behosh hone wali thi

na sirf tegh ki pi kar mere lahu ki sharab

zamin-e-dasht bhi madhosh hone wali thi

nigar-KHana-e-dil mein ye dhaDkanon ki ghaDi

tere na aane se KHamosh hone wali thi

main ek laDka wafa-dariyon ka parcham-dar

wo ek laDki jafa kosh hone wali thi

meri jawani talash-e-maash mein 'hashim'

watan se dur faramosh hone wali thi