badan suraj se chanda ban gaya hai

badan sūraj se chanda ban gayā hai

mukammal nek banda ban gayā hai

na jaane kis kī aisī badduā thī

mohazzab shahr ganda ban gayā hai

mire apne badan kā ḳhuun pī kar

charinda bhī parinda ban gayā hai

bahut se ahl-e-fan the shahr-bhar meñ

mirā fan bhī chuninda ban gayā hai

tire bātin ko tū ne maar Daalā

tirā zāhir darinda ban gayā hai

badan suraj se chanda ban gaya hai

mukammal nek banda ban gaya hai

na jaane kis ki aisi baddua thi

mohazzab shahr ganda ban gaya hai

mere apne badan ka KHun pi kar

charinda bhi parinda ban gaya hai

bahut se ahl-e-fan the shahr-bhar mein

mera fan bhi chuninda ban gaya hai

tere baatin ko tu ne mar Dala

tera zahir darinda ban gaya hai